VOV4.Bahnar - Ƀlep ƀơ̆t Tết Nguyên đán Nhâm Dần, ‘năr 16/1, Kơ dră tơm, Kơ dră Anih vei lăng hơ drĕch kon kông Hầu A Lềnh hlôi năm tơ mang, asong tơ mam ăn ŭnh hnam dơ nuh hin, ŭnh hnam teh đak tơ gŭm păng bơ ngai đei đe lui yom lơ̆m kon pơ lei kon kông tơ̆ dêh char Bắc Kạn. Năm tơ mang tơ̆ apŭng Ngân Sơn, dêh char Bắc Kạn, Kơ dră tơm, Kơ dră anih vei lăng hơ drĕch kon kông hlôi pơ jao tơ mam đei kơ jă 50 triệu hlak jên ăn Anih mong jên pơ trŭt hŏk kơ apŭng.

Tơ̆ âu, ƀok Hầu A Lềnh kŭm hlôi asong 150 tơ pu tơ mam ăn kơ dôm ŭnh hnam bơ ngai đei kŏng, ŭnh hnam teh đak tơ gŭm, ŭnh hnam đei tơ drong arih sa mơ mat tat păng bơ ngai đei đe lui yom lơ̆m kon pơ lei kon kông kơ dêh char Bắc Kạn. Bơ̆ jang hăm kơ dră chĕp kơ̆l dêh char Bắc Kạn, Kơ dră tơm, Kơ dră Anih vei lăng hơ drĕch kon kông athei tơ ring hơ nơ̆ng jang kiơ̆ ‘lơ̆ng dôm tơ drong jang tơm kơ teh đak Tơ jur dơ nuh hin kơ jăp... lăng kăl hơ tŏk tơ iung mŭk drăm tơ klep hăm hơ tŏk ‘lơ̆ng tơ drong arih sa kon pơ lei.

Thuem: Tơ blơ̆