VOV4.Bahnar - Kơ sơ̆ ‘năr 22/4, Đại tướng Tô Lâm, Bơ ngai jang lơ̆m Anih tơm Chĭnh trĭ, Kơ dră Anih tơm vei lăng Kŏng an, hlôi pơ gơ̆r ‘măng hop akŏm mă 2 Anih pơ gơ̆r jang pơ tôch tơ drong Tơ chơ̆t Trung ương 8 jăl XI găh tơ drong jang vei lăng teh đak lơ̆m tơ drong ‘nao kơ Anih tơm vei lăng Kŏng an. Pơ ma tơ̆ ‘măng hop akŏm, Kơ dră tơm Tô Lâm lăng ‘lơ̆ng tơ drong hơ drin đơ̆ng dôm bơ ngai jang lơ̆m Anih pơ gơ̆r jang, mă kăl ‘noh Khŭl chĕp kơ̆l pơ gơ̆r Anih pơ gơ̆r jang khei ‘năr âu ki hlôi tôch kơ tơ tĕnh jang đang dôm hla ar kăl vă pơ tho Kŏng an rim anih jang, tơ ring bơ̆ jang kiơ̆.

Kơ dră tơm Tô Lâm pơ ma tơ̆ ‘măng hop akŏm

Găh tơ drong pơt ôch, Kơ dră tơm Tô Lâm athei kăl kơ akŏm hơ len lăng tơ drong chĭnh trĭ, mŭk drăm kơ apŭng plĕnh teh; dôm tơ drong krê hơ mơt, long nol tơ hli tơ drong sơ đơ̆ng teh đak kơ Việt Nam, pơm rơ đăh lơ̆m 10 sơ năm kiơ̆ đơ̆ng khŭl linh Kŏng an kon pơ lei hlôi hơ met pơ ‘lơ̆ng dôm tơ drong jang, hơ năp jang, trong jang lơ̆m Tơ drong tơ chơ̆t Trung ương 8 jăl XI.

Thuem: Tơ blơ̆