VOV4.Bahnar - ‘Năr 17/2, tơ̆ Hà Nội, Anih tơm vei lăng Công an pơ gơ̆r Hop akŏm Khul jang kơ Khul kơ dră tĕh đak hơ len năng tơ drong jang “Atŏk tơ iung kơ sô̆ chih jô̆ găh kon pơ lei oei xa, chih tơ băt hơ năn păng rơih hơ met kơ măy điên tư pơ vih ăn tơ drong tơ plih kơ sô̆ kơ tĕh đak đơ̆ng 2022-2025, trong jang truh sơ năm 2030” (krao kơ đĕh ‘nŏh Tơ drong jang 06/CP).

Đại tướng Tô Lâm, Kơ dră tơm vei lăng Công an pơ gơ̆r hop akŏm, pơ ma tơ̆ Hop akŏm ƀok athei dôm bơ ngai jang lơ̆m Khul jang, hơ len năng mă kơ jăp trong jang vă đei nơ̆r pơ tho, pơ gơ̆r jang mă ‘lơ̆ng, khŏm jang đang rim tơ drong trŏ khei ‘năr hơ găt. Ƀok Tô Lâm athei dôm bơ ngai jang lơ̆m Khul găh Anih jang kơ Khul kơ dră tĕh đak hơ nơ̆ng athei dôm anih tơm, anih jang kơ pal, tơ ring tơ rang Pơ jing trong bơ̆ jang păng Khul jang kiơ̆ nơ̆r pơ tho đơ̆ng Phó Thủ tướng Vũ Đức Đam.

Dơ̆ng: Tơ blơ̆