VOV4.Bahnar - Kơ sơ̆ 2/6, tơ̆ Hà Nội, Đại tướng Tô Lâm, Kơ dră tơm vei lăng Công an sơng ƀok Shawn Perry Steil, Bơ ngai tang măt ‘nao ăn tĕh đak Canada tơ̆ Việt Nam, truh tơ ƀâp ƀât năm iŏk tơ drong jang tơ̆ Việt Nam.

Kơ dră tơm vei lăng Công an Tô Lâm sơng Bơ ngai tang măt ăn Canada tơ̆ Việt Nam

Hơ iă hăm ƀok Shawn Perry Steil iŏk jang tơ drong jang ‘nao tơ̆ Việt Nam, ƀok Kơ dră Tô Lâm ăn tơ băt, tơ drong pơ vei Việt Nam-Canada hơ nơ̆ng tŏk ‘lơ̆ng, đei yoa, iŏk đei lơ tơ drong hơ iă găh chinh trĭ – jang tơ bôl, tĕch mơ dro, tơ mât jên jang, jang tŏk hơ dai, vei lăng sơ đơ̆ng tĕh đak, jŏh ayŏ kơ dŏ xoang, pơ tho pơ hrăm, khoa hŏk kơ măy kơ mŏk, pơ gơ̆r ăn kon pơ lei tơ ƀâp băl.

Ƀok Kơ dră Tô Lâm athei, tơ̆ hơ năp kơnh, Bơ ngai tang măt tơ rĕk truh, pơm hơ tŏk hlŏh dơ̆ng tơ drong pơ vei đơ̆ng Anih tơm vei lăng Công an - Việt Nam păng Anih tơm vei lăng sơ đơ̆ng tơ pôl Canada, Kanh sat tĕh đak Canada păng dôm trong jang hơ doi 2 pang, lơ pang vă roi tơ băt ăn băl, pơ yoa ăn tơ drong tang găn tơ drong yoch truh tơ̆ tĕh đak nai, dăr hơ len, sek tơ lang tơ păt rim tơ drong mă rơ đăh.

Dơ̆ng: Tơ blơ̆