VOV4.Bahnar - Kơ sơ̆ ‘năr 7/3, tơ̆ Hà Nội, Anih jang Đảng Kŏng an Trung ương, Anih tơm vei lăng Kŏng an pơ gơ̆r Tơ drong jang tơ băt 112 sơ năm Năr apŭng plĕnh teh kơ đe drŏ kăn (8/3/1910 - 8/3/2022) păng tơ ƀơ̆p muh măt bơ ngai tang măt drŏ kăn Kŏng an kon pơ lei vang truh Hop akŏm bơ ngai tang măt drŏ kăn lơ̆m teh đak ‘măng mă XIII. Pơ ma tơ̆ jơ tơ ƀơ̆p muh măt, Kơ dră tơm vei lăng Kŏng an Tô Lâm roi rơ đăh, Anih jang Đảng Kŏng an Trung ương, kơ dră chĕp kơ̆l Anih tơm vei lăng Kŏng an ling lang lui ngeh păng ‘meh vă, rim kơ dră Khŭl drŏ kăn lơ̆m kŏng an kon pơ lei hơ nơ̆ng kơ chăng, hơ gei tơ plih ‘nao pran kơ tang tơ drong, trong bơ̆ jang, tơ drong jang.

Pơm hơ dăh ‘lơ̆ng hăm dôm tơ drong jang, tơ klep hăm tơ drong jang joăt jang, lăp hăm khŭl drŏ kăn; jang kiơ̆ ‘lơ̆ng tơ drong jang tơ gŭm dôm tơ drong jang yua kơ tơ drong hơ gei đơ̆ng drŏ kăn. Kơ dră tơm Tô Lâm ‘meh vă, rim kang ƀô̆, bơ ngai jang lơ̆m khŭl drŏ kăn kăl kơ hlôh vao ƀlep găh hơ năp jang, pơ nam bơ̆ jang păng hơ drin, băt kơ dih, 1 jơ hngơ̆m đon vang jang dôm tơ drong khŭl, jang kiơ̆ ‘lơ̆ng tơ drong jang drŏ kăn, iŏk ‘noh pơm tơ drong tơm hơ drin, pơ hrăm păng sơ kơ̆t hơ dăh kơ dih kâu.

Thuem: Tơ blơ̆