VOV4.Bahnar - Kơ sơ̆ 15/9, Khul jang đơ̆ng Anih tơm vei lăng tơ drong tơ roi tơ băt yoa ƀok Kơ dră Nguyễn Mạnh Hùng chĕp kơ̆l năm hơ pong păng bơ̆ jang tơ̆ dêh char Bạc Liêu găh tơ drong tơ plih kơ măy sô̆ păng trong tơ lĕch tơ drong jang atŏk tơ iung tơ ring kơ drâm rơ gei.

Kơ dră tơm vei lăng tơ drong tơ roi tơ băt Nguyễn Mạnh Hùng iung pơ ma

Pơ ma lơ̆m jơ bơ̆ jang, ƀok Kơ dră Nguyễn Mạnh Hùng ăn tơ băt, kiơ̆ kơ sô̆ chih jô̆ đơ̆ng dêh char Bạc Liêu đei dang 30.000 unh hnam tơ nuh, unh hnam vă jê̆ tơ nuh ưh đei điên thoăi rơ gei, Anih tơm vă tơ gŭm 15.000 tŏ điên thoăi ăn dêh char kiơ̆ tơ drong jang “Hơ yuh kơ măy tĭnh ăn ŏh”. 15.000 điên thoăi oei đei dơ̆ng, ƀok Kơ dră pơ jao ăn 3 anih jang găh điên thoăi tih đei (VinaPhone, MobiFone, Viettel) tơ gŭm ăn dêh char.

Hăm dôm nơ̆r pơ ma apinh nai đơ̆ng dêh char Bạc Liêu, ƀok Kơ dră Nguyễn Mạnh Hùng pơ jao ăn dôm anih jang găh Anih tơm tơ gŭm, hơ met pơ ‘lơ̆ng mơ mat tat. Kơ dră tơm vei lăng tơ drong tơ roi tơ băt Nguyễn Mạnh Hùng oei athei dêh char Bạc Liêu hơ len năng, tơ klăh Anih vei lăng jŏh ayŏ kơ dŏ xoang, Tơ roi tơ băt, Tơ plŏng kơ dâu păng chă tơ mang lăng, pơ jing dơ̆ng 1 anih ‘nŏh jĭ Anih vei lăng tơ drong tơ roi tơ băt dêh char.

Dơ̆ng: Tơ blơ̆