Kiơ̆ tơbăt tơ̆ hop akŏm bơ̆ jang mặt trận tơ̆ Đăk Lăk đei lơ tơdrong hơ iă. Tơdrong jang chă pơrô̆ hơvơn kon pơlei vang tơgŭm djru tang găn jĭ hơbuh Covid-19 hơnơ̆ng đei lăng ba kơ jăp.

Dơnŏ anĭh Mặt trận tổ quốc Việt Nam dêh char sơng iŏk đei hlŏh 6 ti 800 trĭu hlak jên păng klăh asong ăn rim hơnĭh bơ̆ jang vă tơgŭm djru vang jang kiơ̆ tang găn jĭ hơbŭh adoi nhen pơtruh kon jên ăn Trung ương răt pơgang vaccine. Lơ̆m khei năr kăl hlŏh kơ yiơ bơngai dơnŭh sơnăm au, rim apŭng, thĭ xah, pơlei tơm hlôi chĭh hơnăn vang iung jang chă pơrô̆ pơrôp, hơvơn đei vă jê̆ 14 ti hlak jên. Đơ̆ng kon jên au klăh asong, tơlĕch ăn tơgŭm djru ming man, ming hơmet hnam oei tơgoăt tơgoăl, ming hơmet jĭ jăn ăn bơngai dơnuh ... Tơ̆ hop akŏm, rim bơngai tang măt hlôi pơma dơnuh, pơm hơdăh rim tơdrong đei ƀơm trŭh bơ̆ jang hơpeh hơpong kon pơlei; jang kiơ̆ kmăi kmŏk pơre nơ̆r lơ̆m bơ̆ jang vei lăng, chĕp pơgơ̆r păng hơnĭh kơtơ̆ng ang kơ mặt trận. Đắk Lắk jei tơbăt trong jang hơ iă lơ̆m bơ̆ jang tơgoăt tơgoăl krao akŏm rim răih kon pơlei, rim hơdrĕch hơdrung lui khop vang iung jang tơ iung pơjing tơgoăt tơgoăl dĭh băl kơjăp. Apinh mĭnh ƀar tơdrong đei ƀơm trŭh tơnap tap, hơdrom lơ̆m tơlĕch jang kiơ̆ rim hla bơar khôi luơ̆t, tơdrong tơchơ̆t.