VOV4.Bahnar - Năr 14/1, Kơ iĕng Kơdră chĕp pơgơ̆r Kuô̆k hô̆i Trần Quang Phương atŭm hăm khŭl bơ̆ jang hlôi năm ngôi, hmach Têt Trung đoàn Cảnh sát cơ động Tây Nam Bộ păng Lữ đoàn thông tin 29, Quân khu 9. Tơbăt ăn Kơ iĕng Kuô̆k hô̆i hăm Khŭl bơ̆ jang, Thượng tá Nguyễn Tấn Phúc, Kơdră chĕp pơgơ̆r Trung đoàn Cảnh sát cơ động Tây Nam Bộ tơbăt, trŭh dang ei, khŭl kơdră chĕp pơgơ̆r kơ Trung đoàn hlôi sơđơ̆ng ‘lơ̆ng hơ iă; vei kơ jăp khŭl iung jang hơdoi hăm rim hơnĭh bơ̆ jang kơ Dơnŏ anĭh tơm Kŏng ang, Kŏng ang rim tơring iung tơ jră, phă pơrăm, xek tơlang rim tơdrong đei ƀô̆h ư̆h kơ ‘lơ̆ng hơ iă găh tơdrong sơđơ̆ng, tơblăh pơrăm khŭl yoch. Iung pơma tơ̆ jơ năm ngôi, Kơ iĕng Kơdră chĕp pơgơ̆r Kuô̆k hô̆i Trần Quang Phương pơkă lơ̆m khei năr kơnh Trung đoàn Cảnh sát cơ động Tây Nam Bộ kăl tơlĕch jang kiơ̆ kơ jăp rim Nơ̆r athei jang kiơ̆ đơ̆ng Đảng, tĕh đak, Quân ủy Trung ương, Đảng ủy Công an Trung ương, Dơnŏ anĭh tơm Kŏng ang găh tơdrong jang vei lăng sơđơ̆ng, vei lăng Tĕh đak. Tơ hơnăp pơm sơđơ̆ng ăn khei năr Têt Nhâm Dần sơnăm 2022 kiơ̆ nơ̆r pơrô̆ jang đơ̆ng Kơdră chĕp pơgơ̆r rim hơnĭh, oei chĕp pơgơ̆r hơnih jang kăl vei lăng năng tông jơhngơ̆m jăn tơdrong erĭh sa ăn kang ƀô̆, kanh sat.

Tơblơ̆ nơ̆r: Amazưt