VOV4.Bahnar  - Sơng iŏk nơ̆r krao hơvơn đơ̆ng Kơ iĕng Kơdră chĕp pơgơ̆r Tĕh đak Võ Thị Ánh Xuân, ƀok Bounthong Chitmany, Kơdră jang lơ̆m Dơnŏ anĭh tơm Chĭnh trĭ, Kơdră bơ̆ jang lơ̆m Ban Bí thư Trung ương Đảng Kon pơlei Kĕch mang Lào, Kơ iĕng Kơdră chĕp pơgơ̆r Tĕh đak Lào năm tơmang tĕh đak Việt Nam đơ̆ng năr 17-19/7/2022.

Kơ iĕng Kơdră chĕp pơgơ̆r tĕh đak Võ Thị Ánh Xuân hăm ƀok Bounthong Chitmany

Kơsơ̆ năr 17/7, lăp đơ̆ng rŏng Pơm lêh sơng, Kơ iĕng Kơdră chĕp pơgơ̆r Tĕh đak Võ Thị Ánh Xuân hlôi pơma dơnŭh hăm ƀok Bounthong Chitmany tơ̆ Hơnĭh bơ̆ jang Kơdră chĕp pơgơ̆r Tĕh đak. Pơma dơnŭh găh pơtrŭt kơtang tơgoăt tơgoăl jang hơdoi dĭh băl lơ̆m khei năr kơnh, ƀar ‘nu Kơ iĕng Kơdră chĕp pơgơ̆r ƀar tĕh đak drơ̆ng mĭnh nơ̆r hơnơ̆ng vei kơ jăp ‘măng năm ngôi dĭh băl, tơ ƀơ̆p dĭh băl khŭl kơdră kơpal; pơgơ̆r ‘lơ̆ng rim tơdrong jang gĭt kăl lơ̆m Sơnăm Tơgoăt tơgoăl Việt Nam - Lào, Lào - Việt Nam 2022; iung jang hơdoi tơlĕch jang kiơ̆ ‘lơ̆ng păng jơnei rim tơdrong drơ̆ng mĭnh nơ̆r kơdră kơpal. Ƀar păh sơkơ̆t hơdăh hơnơ̆ng hơdrin atŭm hăm rim tĕh đak lơ̆m khŭl hơmet pơ ‘lơ̆ng tơgoăt tơgoăl, lăp mĭnh ƀơ̆r đon păng hơnăp jang tơm kơ ASEAN, vei kơ jăp rim trong jang kơ dĭh găh rim tơdrong đei ƀơm trŭh rơngei hiôk hian, sơđơ̆ng tơring; lăp mĭnh ƀơ̆r đon lơ̆m trong xek tơlang rim tơdrong lơ̆m tơring păng lơ̆m apŭng plĕnh tĕh hăm trong rơngei hiôk hian ‘moi kiơ̆ yom kiơ̆ kơ jăp khôi luơ̆t apŭng plĕh tĕh.

Tơblơ̆ nơ̆r: Amazưt