Yak hlŏh 50 sơnăm atŏk tơ iung lơ̆m tơdrong jang pơm tơlĕch pơgang, trŭh dang ei, Kŏng ty Traphaco ‘nŏh mĭnh lơ̆m dôm hơnĭh mơdro sa ‘lơ̆ng kơ Dơnŏ anĭh jang Pơgang Việt Nam hăm dôm tơmam drăm vă pơm tơlĕch ‘lơ̆ng rơgŏh đơ̆ng blŭng trŏ ƀlep ‘lơ̆ng apŭng plĕnh tĕh - kmăi kmŏk gơ̆h hơgei pơm tơlĕch pơgang-trong tĕch mơdro lơ hơnĭh-tơmam drăm ‘lơ̆ng păng sơđơ̆ng. Lơ̆m vă đĭ sơnăm au, gô tĕch mơdro iŏk đei 2.500 ti hlak jên.

Tang măt ăn kơdră chĕp pơgơ̆r Đảng, Tĕh đak, Kơ iĕng Kơdră chĕp pơgơ̆r teh đak Võ Thị Ánh Xuân pôk ăn Mê đai jang pran kơtang dơ̆ng mă Blŭng ăn Kŏng ty Traphaco. Kơdră chĕp pơgơ̆r teh đak Võ Thị Ánh Xuân hlôi pôk ăn Mê đai jang pran kơtang dơ̆ng mă Ƀar ăn kơ ƀok Trần Túc Mã, Kơdră chĕp pơgơ̆r Kŏng ty Traphaco.