VOV4.Bahnar - Lơ̆m ‘măng năm ngôi păng bơ̆ jang tơ̆ dêh char Thừa Thiên Huế, pơgê năr 3/8, Kơ iĕng Kơdră chĕp pơgơ̆r Tĕh đak yă Võ Thị Ánh Xuân atŭm hăm khŭl bơ̆ jang hlôi năm ngôi păng sŏh hlôt jang tơ̆ Hnam man tơbăt Kơdră chĕp pơgơ̆r tĕh đak Hồ Chí Minh păng Hnam jŏh ayŏ Đại tướng Lê Đức Anh.

Năm ngôi tơ̆ Hnam man tơbăt Kơdră chĕp pơgơ̆r teh đak Hồ Chí Minh, kơsô̆ 112, trong Mai Thúc Loan, pơlei tơm Huế, Kơ iĕng Kơdră chĕp pơgơ̆r tĕh đak yă Võ Thị Ánh Xuân atŭm hăm khŭl hlôi sŏh hlôt nhang tơbăt jơhngơ̆m đon ‘mêm mơ kơ eng kơ Ƀok Hô atŭm hăm ŭnh hnam ƀok. ‘Nau jĭ pơbŭng hnam mă sơ̆ Ƀok hlôi erĭh sa, jang sa, hŏk pơhrăm lơ̆m 6 sơnăm, đơ̆ng sơnăm 1855 - 1901. Lơ̆m mă nŏh sơ̆ Ƀok Hô oei tơdăm hăm hơnăn  Nguyễn Tất Thành, jing hơnĭh yă Hoàng Thị Loan, mĕ Ƀok Hô lôch. Ƀlep lơ̆m jơ ‘năr au, Kơ iĕng Kơdră chĕp pơgơ̆r Tĕh đak Võ Thị Ánh Xuân jei pôk ăn 200 trĭu hlak jên ăn Hơnĭh mong jên vei lăng năng tông hơ iŏh Thừa Thiên Huế.

Tơblơ̆ nơ̆r: Amazưt