Hop akŏm au akŏm pơma dơnŭh 3 tơdrong tơm ‘nŏh: Jang kiơ̆ kmăi kmŏk vă pơih să, atŏk tơ iung păng vei lăng hơnih mơdro sa lơ̆m chăl hle; hơmet ming trong jang hơnĭh mơdro sa; pơ̆ih să tơgoăt dĭh băl vă “Vang iung jang păng vang atŏk tơ iung”.

Iung pơma tơ̆ hop akŏm, Kơ iĕng Kơdră chĕp pơgơ̆r Tĕh đak Võ Thị Ánh Xuân ‘mĕh vă, rim bơngai joăt jang mŭk drăm, rim kơdră chĕp pơgơ̆r, bơngai drŏ kăn jang mơdro sa kơ rim tĕh đak ASEAN gô atŭm dĭh băl pơma dơnŭh tơlĕch đei rim trong jang ‘lơ̆ng hơ iă, vă pơjing rơvơn ăn bơngai drŏ kăn jang mơdro sa, hơnĭh mơdro sa kơ yuơ drŏ kăn chĕp kơ̆l hơnơ̆ng iŏk đei rim tơdrong tơgŭm djru atŏk tơ iung.