Kiơ̆ tơbăt, akŏp tơlĕch jang kơ 5 tơring au trŭh đĭ khei 3/2023 ‘noh hlŏh 2.553 ti hlak jên, jơnei 2,74% trong pơjao tŏ sĕt hloh pơtêng hăm jô̆ hơtŏ lơ̆m teh đak. Hơdrô̆ pơlei tơm Hồ Chí Minh, tơlĕch kon jên jang tŏ sĕt hloh, lăp jơnei 0,89%.

Iung pơma tơ̆ hop akŏm, Kơ iĕng Thủ tướng Lê Minh Khái tơƀôh hơdăh: tơdrong tơlĕch jên jang hiơ hiơ̆ kon jên tơmơ̆t jang đơ̆ng teh đak pơm kơnê̆ tôch kơtang tơdrong atŏk mŭk drăm, kơ yuơ lơ loh kăl pơm hơnăh hơnăp jang lơ̆m tơdrong pơm hiơ hiơ̆ tơlĕch kon jên jang, pơm hiơ hiơ̆ pơtruh trong jang tơmơ̆t jên jang; Kơ iĕng Thủ tướng athei, rim Hơnih tơm, hơnih bơ̆ jang, tơring akŏm pơrô̆ kơtang, jơnei rim trong jang kăl. Atŭm hăm ‘noh, kăl hơnơ̆ng dăr lăng, pơrô̆ pơrôp, dăr lăng rim tơdrong vă jang hơdăh vă tơtom hơmet pơ ‘lơ̆ng dôm tơdrong tơnap tap, tơhlăk tơhlĭn đei ƀôh dơ̆ng lơ̆m yan au.