Kiơ̆ đơ̆ng Dơnŏ anĭh tơm jang jên hu tơbăt, jô̆ hơtŏ 11 khei sơnăm 2022, CPI tŏk 3,02% pơtêng hăm dôm khei au sơnăm sơ̆; kơjă tŏk jur ‘nŏh tŏk 2,38%.

CPI jô̆ hơtŏ sơnăm 2022 rŏ năng tŏk 3,1-3,2% pơtêng hăm sơnăm 2021, găh tơdrong tŏk jur trŏ lăp lơ̆m trong jang mă Kuôk hô̆i tơlĕch ăn ... Mă lei, ‘ngoăih dôm tơdrong iŏk đei jơnei, bơ̆ jang vei lăng kơjă oei đei tim gan ‘lơ̆ng găh tơ-iung pơjing, pơm pơkeh trong jang, trong bơ̆ jang khôi luơ̆t lơ̆m kơjă ... Kơ iĕng Thủ tướng Lê Minh Khái pơma hơdăh, kăl hơnơ̆ng đei trong jang kăl lơ̆m bơ̆ jang vei lăng, chĕp pơgơ̆r kơjă sơnăm 2023 nhen: Atŏk kơtang bơ̆ jang vei lăng, chĕp pơgơ̆r kơjă khei ‘năr Têt Nguyên đán Quý Mão; vei lăng kơjă rim tơmam drăm teh đak vei lăng kơjăp lơ̆m dôm khei blŭng sơnăm vă pơjing đei jơnei sơđơ̆ng ăn bơ̆ jang vei lăng kơjă tŏk jur lơ̆m sơnăm; iung jang ‘lơ̆ng vei lăng, chĕp pơgơ̆r kơjă lơ̆m sơnăm 2023.