VOV4.Bahnar - Tơ̆ hơnĭh bơ̆ jang Khŭl kơdră chĕp pơgơ̆r Tĕh đak, Kơ iĕng Thủ tướng Lê Văn Thành pơm tơm hop akŏm Jơnŭm sơkơ̆t hơdăh Trong pơprŏ jang mŭk drăm lơ̆m đak jăl jang 2021-2030, lăng trŭh sơnăm 2050. ‘Nau jing trong pơprŏ jang tĕh đak mă blŭng đei pơjing lơ̆m tơdrong jang mŭk drăm lơ̆m đak, jing trong pơchŏh tơm ăn rim trong pơprŏ jang tĕh đak, pơprŏ jang tơring, pơprŏ jang dêh char, pơprŏ jang tơring đak kroong păng rim trong pơprŏ jang gĭt kăl anai đei ƀơm trŭh iŏk yua cham char đak. Pơma pơtôch ‘măng Hop akŏm, Kơ iĕng Thủ tướng Lê Văn Thành hôn bơnê kơtang dôm tơdrong hơdrn đơ̆ng Dơnŏ anĭh tơm vei lăng Mŭk drăm Bri brăh păng Cham char lơ̆m pơm tơm iung jang hơdoi hăm rim Hơnĭh tơm, hơnĭh bơ̆ jang, khŭl jang tĕh đak đe, rim bơngai joăt jang, bơngai khoa hŏk vă pơjing Trong pơprŏ jang ‘lơ̆ng, trŏ lăp hăm rim tơdrong tơchơ̆t kơ Khôi luơ̆t găh pơprŏ jang. Kơ iĕng Thủ tướng athei Dơnŏ anĭh tơm vei lăng Mŭk drăm Bri brăh păng Cham char hơnơ̆ng tơgoăt iŏk kơtang dôm nơ̆r tơgop vă hơmet ming, pơm pơkeh, apĭng nơ̆r tơgop đơ̆ng rim kơdră jang lơ̆m Jơnŭm hơdrol vă pơtruh ăn kơdră kơpal lăng hơlen kĭ tơchơ̆t.

Tơblơ̆ nơ̆r: Amazưt