VOV4.Bahnar - Ƀlep lơ̆m Pơm lê̆h tĭh Phật đản Phật lịch 2566, dương lĭch 2022, năr 11/5, kơdră jang lơ̆m Dơnŏ anih tơm Chĭnh trĭ, Kơ iĕng Thủ tướng Phạm Bình Minh hlôi năm trŭh, hmach chơt hơ iă ăn Trung ương Khŭl lui Phật giáo Việt Nam hăm rim bơngai lui phật. Hmach chơt hơ iă ăn Trung ương Khŭl lui Phật giáo Việt Nam atŭm hăm rim kon pơlei lui Phật sơng Phật đản sơđơ̆ng ‘lơ̆ng hơ iă, Kơ iĕng Thủ tướng Phạm Bình Minh pơma hơdăh, Pơm lêh tĭh Phật đản ‘nŏh jing jơ ‘năr rim bơngai lui phật adoi nhen kon pơlei lơ̆m tĕh đak lăng trŭh Đức Phật Thích ca mâu ni, adoi nhen jing tơdrong lui tơm hơdrĕch hơdrung ‘nŏh: "Oei sa gơ̆h găt băt ‘mêm kơ eng dĭh băl, oei sa ‘lơ̆ng". Pơma hơdăh, sơnăm 2022 jing sơnăm tôch gĭt kăl hăm Khŭl lui Phật giáo Việt Nam hăm tơdrong pơgơ̆r Pơm lêh Hop akŏm Phật giáo Việt Nam ‘măng mă 9, Kơ iĕng Thủ tướng lui hăm Khŭl lui Phật giáo Việt Nam gô pơgơ̆r jơnei Pơm lêh hop akŏm hăm trong tơlĕch jang “Lui-Hơdrĕch hơdrung-Chủ nghĩa xã hội".

Tơblơ̆ nơ̆r: Amazưt