Iung pơma pơjao tơdrong jang, Kơ iĕng Thủ tướng Phạm Thị Thanh Trà sơkơ̆t hơdăh, hloh đơ̆ng bơ̆ jang lơ tơdrong, Kơ iĕng Kơdră dơnơm Nguyễn Huy Dũng jei iung jang ‘lơ̆ng lơ̆m chĕp pơgơ̆r, bơ̆ jang, mă kăl găh tơdrong jang khoa hŏk păng kmăi kmŏk; hơpơi ‘meh vă, Kơ iĕng Kơdră dơnơm gô đei dôm tơdrong tơgop gĭt kăl lơ̆m iŏk đei jơnei kơ Hơnih tơm vei lăng Joh ayŏ kơdŏ soang Đă ƀŏng lŏng tơplŏng kơdou păng Tơmang pơhiơ̆, tơgop pơm hơtŏk tơdrong atŏk tơiung atŭm kơ teh đak, adoi nhen lơ̆m trong jang kăl atŏk tơ iung đơ̆ng dang ei truh sơnăm 2045. Iung pơma iŏk bơ̆ jang, Kơ iĕng Kơdră dơnơm Hơnih tơm vei lăng Joh ayŏ kơdŏ soang Đă ƀŏng lŏng tơplŏng kơdou păng Tơmang pơhiơ̆ Nguyễn Huy Dũng pơkăp, kơrŭn đĭ ai iung jang hơdoi hăm Kơdră tơm, kơdră chĕp pơgơ̆r Hơnih tơm păng pơ đĭ lơ̆m hơnih jang, tơgoăt pôm nơ̆r ƀơ̆r đon, kiơ̆ yok, atŏk tơ iung, jang keh đang ‘lơ̆ng rim tơdrong đei pơjao.