Pơma pơtôch hop akŏm, Kơ iĕng Thủ tướng teh đak pơma hơdăh, kăl ƀôh hơdăh păng hơmet pơ ‘lơ̆ng dôm tơdrong tơhlăk tơhlĭn dei ƀôh dơ̆ng lơ̆m jơ ‘năr tơ iung pơjing tơdrong tơchơ̆t; ưh khan kơ yuơ tơnap vei lăng mă ưh kơ ăn dăh mă pơm găn ga jang kiơ̆. Trong tơlĕch tơm ‘noh sơđơ̆ng hơtŏ hơnơ̆ng, găn ga tơdrong pơlơ̆m tơdrong tơchơ̆t tơgŭm vă iok yoa sa hơpăh, adoi pơm hơtok iŏk đei jơnei bơ̆ jang teh đak vei lăng. Kơ iĕng Thủ tướng pơjao ăn Hơnih tơm vei lăng Mơdro sa hơnơ̆ng tơgoăt iok tôm toong nơ̆r tơgop vă pơm pơkeh trong vă pơjing. Kiơ̆ kơ ‘noh, ‘ngoăih hô sơ kiơ̆ tơdrong tơchơ̆t hơnih vei lăng tĕch răt hăm teh đak đe, rim bơngai răt tơmơ̆t gre đơ̆ng teh đak đe kăl chih hla bơar tơbăt hơdăh kơ yuơ kă kiơ ‘meh răt tơmơ̆t đơ̆ng gre đơ̆ng teh đak đe, chih hơdăh măt bơngai pôk ăn, bơngai sơng iŏk păng rim kơsô̆ kmăi kmok gre vă pơvih pơvăn ăn bơ̆ jang vei lăng, chih jô̆.