VOV4.Bahnar - Pơgê năr 14/9, tơ̆ pơlei tơm Nha Trang, khul bơ̆ jang kơ Khŭl kơdră chĕp pơgơ̆r Tĕh đak kơ yuơ Kơ iĕng Thủ tướng Vũ Đức Đam chĕp kơ̆l hlôi bơ̆ jang hăm Dơnŏ anĭh vei lăng kon pơlei dêh char Khánh Hòa găh rim tơdrong jang tơm lơ̆m pơtho pơhrăm - khoa hŏk kmăi kmŏk au to.

Iung pơma tơ̆ jơ bơ̆ jang, Kơ iĕng Thủ tướng Vũ Đức Đam hôn bơnê kơtang jang kiơ̆ tơdrong bơ̆ jang vei lăng pơtho pơhrăm, tơdrong jang khoa hŏk kmăi kmŏk au to kơ dêh char Khánh Hòa. Mă kăl lơ̆m bơ̆ jang tang găn jĭ hơbŭh Covid-19. Kơ ieng Thủ tướng tơbăt, truh au kơnh, Dơnŏ anĭh tơm vei lăng jang pơgang đei trong pơtho tơbăt pơkăp ‘lơ̆ng vă dêh char tơmơ̆t jên jang tơ iung pơjing hơnĭh jang kơ Dơnŏ anĭh bơ̆ jang Dăr lăng hơlen jĭ jăn. Rim hnam pơgang tơring kơ Dơnŏ anĭh tơm vei lăng jang pơgang tơgŭm djru dêh char Tơ iung pơjing Hnam pơgang tơm dêh char. Găh tơdrong tơplĭh kơsô̆, Dơnŏ anĭh bơ̆ jang vei lăng kơtơ̆ng ang păng pơre nơ̆r bơ̆ jang pơchŏh trong ăn dêh char dôm trong jang trŏ lăp lơ̆m tơ iung pơjing khŭl jang kmăi kmŏk điên tư, bơ̆ jang tơgŭm ăn kon pơlei.

Tơblơ̆ nơ̆r: Amazưt