VOV4Bahnar - Pơgê năr 30/9, tơ̆ Hà Nội, Trung ương Khŭl drŏ kăn Việt Nam pơgơ̆r Hop akom pơtôch 02 Tơdrong vă jang đơ̆ng Khŭl kơdră tĕh đak jăl jang 2017-2022 đei: Tơdrong vă jang “Pơrô̆ pơrôp, pơtho tơbăt, hơvơn, tơgum djru drŏ kăn vang xek tơlang mĭnh ƀar tơdrong tơpôl đei ƀơm trŭh drŏ kăn jăl jang 2017 - 2027”(Tơdrong vă jang 938) păng Tơdrong vă jang “Tơgŭm djru drŏ kăn pơjing tơdrong jang jăl jang 2017-2025”(Tơdrong vă jang 939).

Kơ iĕng Thủ tướng Tĕh đak Vũ Đức Đam hăm Kơdră chĕp pơgơ̆r rim Hơnĭh tơm, Hơnĭh bơ̆ jang, Trung ương vang năm. Tơ̆ hop akŏm, tang măt ăn rim dêh char, pơlei tơm hlôi tơbăt trong jang hơ iă, iŏk đei jơnei lơ̆m rim tơdrong jang kơ ƀar tơdrong jang hlôi đei pơjing păng lang să nhen trong jang chŏh jang sa rơgŏh-răt yua rơgŏh, trong jang tang găn hil hơrĕh tĕh dong lơ̆m ŭnh hnam; rim trong jang pơjing tơdrong jang jơnei kơ drŏ kăn. Adoi apĭnh tơlĕch trong jang vă tơlĕch jang kiơ̆ 2 tơdrong jang ‘lơ̆ng hlŏh dơ̆ng lơ̆m khei năr kơnh. Kơ iĕng Thủ tướng Vũ Đức Đam akhan, lơ̆m khei ‘năr iŏk yua kmăi kmŏk vă tơbăt dôm trong hơgei ăn rim đe drŏ kăn, rim khŭl kăl lăng trŭh khŭl đe drŏ kăn tơnap tap, oei tơ̆ tơring atăih  yăih vă đe sư đei băt tôm dôm trong chă pơrô̆ pơrôp.

VOV/Amazưt tơblơ̆ nơ̆r