Tang măt ăn Khul Kơpal kơ Đảng, Teh đak, Măt trâ̆n tôh kuôk Việt Nam, ƀok Đỗ Văn Chiến pơtruh nơ̆r thơ thâu chơt hơ iă hăm Ƀok xoi tih tơ̆ Hnam khop tơm tơring khop Xuân Lộc Đỗ Văn Ngân, atŭm hăm đe ƀok xoi, đe yă giĕng, ƀok moăn păng kon pơlei kiơ̆ khop Băyang ƀơ̆t Nô-el truh.

Ƀok Đỗ Văn Chiến hơpơi ‘moih, Ƀok xoi tih Đỗ Văn Ngân atŭm hăm đe ƀok xoi, yă giĕng, ƀok moăn hơvơn pơtho kon pơlei lơ̆m tơring khop Xuân Lộc pơtoi kơ tơdrong tơnăp kơ hơdrung hơdrĕch, kiơ̆ pơkăp “yom kơ Băyang ‘mêm kơ teh đak”, tơgop jơhngơ̆m tơ-iung pơjing teh đak roi năr roi hơtŏk pran, rim ‘nu kon pơlei đei tơdrong erih phĭ tơtŏ dơnŏ ‘lơ̆ng. Tang măt ăn Tơring khop Xuân Lộc, Ƀok xoi tih Đỗ Văn Ngân pơtrruh nơ̆r hmach bơnê kơ đe Kơdră Đảng, Khul kơpal teh đak păng tơ ‘ngla ƀok Kơdră Anih jang Trung ương Măt trâ̆n tôh kuôk Việt Nam Đỗ Văn Chiến hlôi truh apong, thơ thâu chơt hơ iă ƀơ̆t Pơyan Nô-el xơnăm 2022.