Tang măt kơdră chĕp kơ̆l Đảng, Teh đak, Kơdră Anih tơroi tơbăt kơ Trung ương Trịnh Văn Quyết pơjao Grat 80 sơnăm jang Đảng păng hơpăh pơkao thơ thou ăn kơ dôm đảng viên: Lê Thị Thủy, tơ̆ plei Trung Thôn, xăh Thọ Long; Nguyễn Xuân Trớc, oei tơ̆ kơsô̆ hnam 03/319 Lê Thánh Tông, phường Hạc Thành; Trịnh Khắc Thuần, tơ̆ kơsô̆ hnam 11 kơphô̆ Đỗ Hành, phường Hạc Thành.

Tơ̆ unh hnam dôm đảng viên đei iŏk Grat 80 sơnăm jang Đảng, Kơdră Anih tơroi tơbăt kơ Trung ương Trịnh Văn Quyết pơma hơdăh; ‘Nâu ưh khan lăp jing tơdrong chơt hơiă tih hăm dôm đảng viên păng unh hnam, mă oei jing ‘măng vă pơtho pơhrăm tơdrong joăt joe kăch mang, hơtŏk đon lui, đon tơchĕng ‘lơ̆ng păng hơnăp jang ăn jơhnơr hrei ‘nâu, mă loi ‘noh jĭ jơhnơr mơlôh. Ƀok Kơdră Anih tơroi tơbăt Trung ương ‘meh akhan, dôm đảng viên đei pơjao Grat 80 sơnăm jang Đảng vei lăng jơhngơ̆m pran, jing bơngai pơm jŭk yŭk trong hơlou ‘lơ̆ng vă kang ƀô̆, đảng viên păng kon sou hŏk pơhrăm, lăng kiơ̆.