Pơgê 26/3, Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Anih vei lăng Tơdrong jang tơgŭm gĭt kăl Trung ương Nguyễn Thanh Nghị, Kơdră khŭl hơlen lăng, dăr lăng kơsô̆ 26, bơ̆jang hăm Anih jang Đảng dêh char Đắk Lắk, ‘moi kiơ̆ hla ar chih hơmet pơtôch hơlen lăng, dăr lăng sơnăm 2026 đơ̆ng Anih tơm Chĭnh trĭ, Ban Bí thư hăm Khŭl chĕp kơ̆l pơgơ̆r Anih jang Đảng dêh char.

Tơdrong tơm akŏm lơ̆m tơdrong tơlĕch jang hŏk pơhrăm, vei kơjăp tơdrong tơchơ̆t Hop akŏm XIV kơ Đảng păng tơdrong jang hơmet ăn pôk rơih jăl jang 2026-2031. Pơtôch jơ bơ̆jang, Kơdră Anih vei lăng Tơdrong jang tơgŭm gĭt kăl Trung ương Nguyễn Thanh Nghị lăng ‘lơ̆ng tơdrong hơdrin đơ̆ng dêh char lơ̆m pơgơ̆r hŏk pơhrăm tơdrong tơchơ̆t hăm pơgơ̆r tih, kơsô̆ vang akŏm lơ; kơchăng dăr hơlen bơngai jang, hơmet ăn kơjăp dôm tơdrong pôk rơih păng hơtŏk loi dơ̆ng roi tơbăt tơ̆ tơring kon pơlei kon kông. Hơdai hăm, athei Đắk Lắk hơnơ̆ng dăr hơlen dôm bơngai tam mă đei hŏk pơhrăm tơdrong tơchơ̆t, jang đang tơdrong jang lăng kiơ̆ tơdrong hơgăt, athei đơ̆ng Tơdrong tơchơ̆t.