Roi tơbăt hăm khŭl bơ̆jang, Kơdră chĕp kơ̆l dêh char Cao Bằng tơbăt: sơnăm 2022, jang tŏk kơ dêh char iŏk đei 5,04%; kơ sô̆ ŭnh hnam dơnuh hin jur 4,29%; Tơdrong vei lăng sơđơ̆ng teh đak, sơđơ̆ng chĭnh trĭ, sơđơ̆ng tơpôl lơ̆m tơring đei vei kơjăp; Tơdrong jang pơjing Đảng păng tơdrong jang chĭnh trĭ đei hơmet kơjăp. Sơnăm 2023, dêh char Cao Bằng gô hơnơ̆ng hơtŏk loi dơ̆ng dôm trong jang hơmet pơ ‘lơ̆ng lơ̆m pơm tơlĕch, tĕch mơdro; tŭn pran hơmet ming hành chính, hơmet pơ ‘lơ̆ng hơnih tơmơ̆t jên jang tĕch mơdro păng akŏm ăn 1,2 tơdrong jang tơm, lơ̆m noh đei trong gre kơ dâu hrĕnh Đồng Đăng - Trà Lĩnh...

Kơdră ban Nội chính Trung ương Phan Đình Trạc athei dêh char Cao Bằng kăl kơ đei trong jang hơmet pơ ‘lơ̆ng dôm tơdrong tơhlăk, mă loi ‘noh jĭ dôm tơdrong găh trong nơnăm; lăng kăl hơtŏk ‘lơ̆ng bơngai jang; tŭn hrĕnh tơlĕch jên tơmơ̆t jên jang teh đak păng hơnơ̆ng sơng đei tơmơ̆t jên jang, mă kăl ‘noh tơmơ̆t jên jang hơtŏk tơiung mŭk drăm ‘măng jang sơlam, hơtŏk tơiung tơmang lăng; hơnơ̆ng hơtŏk ‘lơ̆ng đei yua tơdrong jang đơ̆ng rim anih jang nội chính; hơlen lăng, dăr lăng, pơtho bơ̆ jang kiơ̆ ‘lơ̆ng dôm tơdrong hơgăt găh tang găn sa pơ gơ̆m pơjĭp; trong sek phak dôm tơdrong sa pơ gơ̆m pơ jĭp, ưh kơ ‘lơ̆ng; bơ̆ jang kiơ̆ ‘lơ̆ng tơdrong jang hơmet ming tư pháp.