Khŭl bơ̆jang kơ Quân khu 5 hlôi hơlen lăng yan âu tơ̆ dôm hơnih ‘noh đei: hơnih Khŭl pơgơ̆r tang găn tơring 4 - Đô Vinh, Trung đoàn 896, Khŭl dăr hơlen gre, kơmăy kơmŏk păng hơnih pơhrăm tơblăh Khánh Vĩnh găh Anih tơm pơgơ̆r Khŭl lĭnh dêh char Khánh Hòa.

Đơ̆ng rŏng kơ mơ̆ng dôm anih jang păng bơngai iŏk jang roi tơbăt tơdrong bơ̆jang, dôm tơdrong hiôk, mơmat tat lơ̆m kơplăh tơlĕch jang, Trung tướng Lê Ngọc Hải, Kơdră chĕp kơ̆l pơgơ̆r Quân khu 5 athei rim anih jang iŏk jang akŏm jên jang, bơngai jang, tŭn hrĕnh bơ̆jang vă jăh jang đang, pơjao tơdrong jang kiơ̆ trong tơlĕch jang; hơdai hăm lăng kăl tơdrong ‘lơ̆ng, vei sơđơ̆ng trŏ ƀlep anih jang kơ khŭl lĭnh. Anih tơm pơgơ̆r Khŭl lĭnh dêh char Khánh Hòa hơnơ̆ng răp hơlen lăng tơdrong jang rim năr, tơtom akŏm, roi tơbăt ăn Quân khu 5 vă vei sơđơ̆ng dôm tơdrong jang pơm đang ƀlep tơdrong hơgăt, trong jang tơlĕch ăn.