Tơ̆ Bắc Kinh, Kơdră jang lơ̆m Anih tơm Chinh trĭ Trung ương Đảng Cộng sản Trung Quốc, Phŏ Kơdră Anih chĕp kơ̆l Khul tang măt Kon pơlei lơ̆m teh đak Trung Quốc Lý Hồng Trung hlôi sơng Phŏ Kơdră Anih Trung ương Mặt trận Tổ quốc Việt Nam, Bí thư mă mônh kơ Trung ương Đoàn Thanh niên Cộng sản (TNCS) Hồ Chí Minh, Kơdră chĕp kơ̆l Khul hŏk pơhrăm kơ druh dăm Việt Nam Bùi Quang Huy oei năm ngôi, bơ̆jang tơ̆ Trung Quốc.

Pơma tơ̆ jơ tơƀâp, ƀok Lý Hồng Trung pơma hơdăh, 2 păh athei bơ̆ jang mă ‘lơ̆ng nơ̆r pơtho đơ̆ng kơdră chĕp kơ̆l 2 Đảng, 2 teh đak găh hơtŏk tơdrong pơvei ăn druh dăm Trung - Việt, pơlung jơhnơr mơlôh kơ 2 teh đak vang tơgop jơhngâm ăn tơdrong pơjing Tơpôl tơgŭm băl tơ̆ ning mônh kơ Việt - Trung đei năng tôch gĭt kăl.