VOV4.Bahnar - Năr 12/1, Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r Ban Bí thư Võ Văn Thưởng hlôi năm ngôi, pôk tơmam drăm Têt Nguyên đán Nhâm Dần ăn ŭnh hnam đei iŏk yua ăn tĕh đak, bơngai đei iŏk yua ăn tĕh đak tơ̆ dêh char Bắc Kạn.

Tơ̆ apŭng Chợ Đồn, Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r Ban Bí thư Võ Văn Thưởng hlôi năm ngôi, apĭnh jet gia pơma dơnŭh, pôk tơmam drăm ăn kơ ƀok Triệu Văn Vấn- kang ƀô̆ chăl tơblăh vang sơ̆, sơnăm au 97 sơnăm, oei tơ̆ thôn Nà Tẳng, tơring Lương Bằng păng pôk ăn 200 tơnô̆ tơmam drăm ăn bơngai đei iŏk yua ăn kĕch mang, ŭnh hnam đei iŏk yua ăn tĕh đak tơ̆ apŭng Chợ Đồn. Bơ̆ jang hăm Khŭl kơdră chĕp pơgơ̆r Đảng dêh char Bắc Kạn, Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r Ban Bí thư Võ Văn Thưởng hôn bơnê kơtang dôm tơdrong mă Bắc Kạn iŏk đei jơnei lơ̆m rim tơdrong jang mŭk drăm, tơpôl, tơjur dơnŭh, vei lăng năng tông jơhngơ̆m jăn kon pơlei adoi nhen lơ̆m bơ̆ jang tơ iung pơjing Đảng khei năr au ki, adoi athei Bắc Kạn hơnơ̆ng iung jang kiơ̆ dôm tơdrong đei, gơ̆h jang lơ̆m atŏk tơ iung mŭk drăm tơpôl.

Tơblơ̆ nơ̆r: Amazưt