VOV4.Bahnar - Lơ̆m jơ ‘năr bơ̆ jang tơ̆ pơlei tơm Osaka (Nhật Bản), Kơdră chĕp pơgơ̆r Dơnŏ anĭh tơm vei lăng Tơdrong jang-Bơngai rơka păng Topôl Đào Ngọc Dung hlôi năm ngôi păng bơ̆ jang hăm Khŭl jang pơgang vei lăng năng tông jơhngơ̆m jăn Osaka, đei ‘măng tơƀơ̆p hăm rim kơdră kơpal păng hơnĭh jang sơng tơmơ̆t hŏk pơhrăm jang tơ̆ au.

Kơdră chĕp pơgơ̆r Đào Ngọc Dung atŭm hăm khŭl bơ̆ jang hlôi bơ̆ jang hăm Khŭl jang pơgang vei lăng jơhngơ̆m jăn Osaka

Sơnăm 2019, Dơnŏ anĭh tơm vei lăng Tơdrong jang-Bơngai rơka păng Topôl hlôi bơ̆ jang hăm Hơnĭh tơm vei lăng jang tơ̆ tĕh đak đe kĭ pơkăp drơ̆ng mĭnh nơ̆r jang hơdoi hăm Khŭl jang pơgang vei lăng jơhngơ̆m jăn Osaka (Nhật Bản). ‘Nau jing tơdrong jang tơgum djru, kon jên kla ăn hŏk pơhrăm tŏ sĕt, trong krao hơmơ̆t tơpăt ‘lơ̆ng, bơngai jang đei hŏk pơhrăm tơdrong jang, nơ̆r tĕh đak đe. Đơ̆ng rŏng ƀar sơnăm đei ƀơm kơnê̆đơ̆ng jĭ hơbŭh Covid-19, trŭh blŭng sơnăm 2022, 14 ‘nu bơngai Việt Nam pơhrăm tơdrong jang hlôi pơm hla bơar năm jang tơ̆ Osaka.  Vă hơmet ăn ‘măng tơ ƀơ̆p dôm bơngai pơhrăm jang lơ̆m khei năr kơnh, Khul jang pơgang Osaka hlôi ming man đang hnam oei ăn dôm bơngai hŏk tơdrong jang hăm hơnăn “Hà Nội. ‘Ngoăih kơ ‘nŏh oei pơjing lơ  cham pơchơt pơ hiơ̆ vă rim bơngai hŏk pơhrăm tơdrong jang pơm joăt hăm tơdrong oei sa kơ Nhật Bản.

Tơblơ̆ nơ̆r: Amazưt