VOV4.Bahnar - Pơgê năr 26/1, ƀok Trần Cẩm Tú, Kơdră jang lơ̆m Dơnŏ anĭh tơm Chĭnh trĭ, Bí thư Trung ương Đảng, Kơdră chĕp pơgơ̆r Dơnŏ anĭh Dăr lăng Trung ương atum hăm khŭl bơ̆ jang hlôi năm ngôi, hmach Têt, pôk tơmam drăm ăn khŭl bơ̆ jang tơm tang găn jĭ hơbŭh Covid-19 dêh char Quảng Bình; hơlêm păng pôk tơmam drăm Têt ăn ŭnh hnam đei iŏk yua ăn tĕh đak, ŭnh hnam dơnŭh lơ̆m tơring. Ƀok Trần Cẩm Tú, Kơdră chĕp pơgơ̆r Dơnŏ anĭh bơ̆ jang Dăr lăng Trung ương hôn bơnê kơtang dôm tơdrong tơgop đơ̆ng pơ đĭ kang ƀô̆, ƀok thây pơgang, khŭl ƀô̆ đô̆i kŏng ang, dôm bơngai iung jang tơm tang găn jĭ hơbŭh ư̆h kơ ‘nhoen tơnap tap hrat hrĭn, hli hlơt, hơdrin yak hlŏh mơmat tat, kơ ƀăh kơƀôch vă tang găn jĭ. Ƀlep jơ ‘năr au, ƀok Trần Cẩm Tú hlôi pôk tơmam drăm Têt ăn khŭl bơ̆ jang tơm tang găn jĭ hơbŭh Covid-19; pôk tơmam drăm Têt ăn rim ŭnh hnam đei iok yua ăn tĕh đak, ŭnh hnam dơnŭh, kong nhân jang tơ̆ tơring Quảng Đông, apŭng Quảng Trạch, dêh char Quảng Bình.

Tơblơ̆ nơ̆r: Amazưt