VOV4.Bahnar - Ƀlep lơ̆m ‘măng vang năm Hop akŏm Kơdră kơpal gĭt kăl ASEAN-Mi tơ̆ Hơnĭh tơm Washington D.C., Mi, Kơdră chĕp pơgơ̆r Dơnŏ anĭh tơm vei lăng Mơdro sa Nguyễn Hồng Diên hlôi bơ̆ jang hăm Kơdră chĕp pơgơ̆r Dơnŏ anih tơm vei lăng sơđơ̆ng lơ̆m tĕh đak Mi păng Hơnĭh bơ̆ jang vei lăng tĕch mơdro hăm tĕh đak đe păng vei lăng sơlam tĕh đak Mi, Kơdră chĕp pơgơ̆r Grŭp tĕch mơdro tơmam drăm Walmart.

Rup jơ bơ̆ jang

Ƀok Nguyễn Hồng Diên tơbăt, Khŭl kơdră tĕh đak adoi nhen Dơnŏ anĭh tơm vei lăng mơdro sa Việt Nam ‘mĕh vă atŏk kơtang tơgoăt tơgoăl jang mŭk drăm, mơdro sa hăm păh Mi, mă kăl hăm hơnĭh jang tanh mei, kơ yuơ ‘nau jing hơnĭh jang đei ƀơm kơtang trŭh tơdrong erĭh sa tơpôl, tơmơ̆t kơ trĭu ‘nu bơngai jang tơ̆ Việt Nam. Đei ƀơm trŭh rim tơdrong tơchơ̆t găh hơnăn tơring pơm tơlĕch tơmam drăm, Kơdră dơnơm athei hơnĭh bơ̆ jang ƀơm trŭh kơ Mi pơjing trong jang kiơ̆ khôi luơ̆t ‘lơ̆ng hơ iă, hơtŏ hơnơ̆ng, sơđơ̆ng ăn đei iŏk yua kơ bơngai jang Việt Nam păng đei iŏk yua trŏ ƀlep ăn hơnĭh tĕch mơdro tơmam drăm tơ̆ tĕh đak đe kơ Việt Nam.

Tơblơ̆ nơ̆r: Amazưt