VOV4.Bahnar - Pơgê năr 1/8, Kơdră jang lơ̆m Dơnŏ anĭh tơm Chĭnh trĭ, Bí thư Trung ương Đảng, Kơdră chĕp pơgơ̆r Dơnŏ anĭh tơm xek tơlang tĕh đak Nguyễn Hoà Bình hlôi bơ̆ jang hăm Dơnŏ anĭh xek tơlang dêh char Kon Tum.

Khŭl bơ̆ jang Dơnŏ anĭh tơm xek tơlang tĕh đak bơ̆ jang tơ̆ Kon Tum

Ƀok Nguyễn Hoà Bình pơkă, Dơnŏ anĭh xek tơlang dêh char Kon Tum kăl đei trong jang atŏk kơtang pơgơ̆r xek tơlang vă pơjing đei lăp mĭnh ƀơ̆r đon lơ̆m tơpôl, vĕh ver dôm tơdrong yoch ư̆h kơ kăl. Tơchĕng hơlen hrôih pơlăp jang kiơ̆ pơgơ̆r xek tơlang kiơ̆ trpng trư̆k tuyên đơ̆ng nŏh atŏk tơ iung Trong jang Hơnĭh xek tơlang điện tử tơgop pơm dă ƀiơ̆ tơhoach lơ jơ ‘năr, jên hu păng trŏ lăp hăm chăl hle. Atŏk kơtang jang kiơ̆ ‘lơ̆ng bơ̆ jang xek tơlang ‘lơ̆ng păng sơđơ̆ng đei iŏk yua ăn kon pơlei. Ƀlep lơ̆m ‘măng năm bơ̆ jang, Kơdră chĕp pơgơ̆r Dơnŏ anih tơm Xek tơlang tĕh đak Nguyễn Hoà Bình atŭm hăm khŭl bơ̆ jang hlôi trŭh sŏh hlôt nhang, glơng gơvang pơkao tơ̆ Pơsat tĕh đak apung Kon Brăih; năm tơmang hơnĭh Jơnei rơngei Kon Braih păng Hnam man tơbăt rim Ƀô̆ đô̆i lôch dŏng tĕh đak Kon Braih, apŭng Kon Brăih.

Tơblơ̆ nơ̆r: Amazưt