‘Moi kiơ̆ tơdrong ou, Kơdră chĕp pơgơ̆r Kuô̆k hô̆i tơlĕch ăn rim tơdrong hăm Hơnih bơ̆ jang ‘noh: găh hơnih jang păng trong chĕp pơgơ̆r, tơdrong hơgrop rim hơnih tơm tang măt kon pơlei păng dăr lăng pơjing đei jơhngơ̆m pran kơtang. Pơma tơbăt dôm tơdrong jang dăr lăng kăl tơpă hloh, ƀlep hloh păng truh đơ̆ng rŏng ‘noh iŏk đei jơnei, Kơdră chĕp pơgơ̆r Kuô̆k hô̆i athei Hơnih bơ̆ jang pơm hơdăh trong jang rơih iŏk dôm tơdrong vă dăr lăng; trong jang proh hơmet pơ ‘lơ̆ng, veh ver hơgrop; trong hơlen hơdăh pơtôch jang kiơ̆, nơ̆r athei đơ̆ng rŏng dăr lăng. Dăr lăng vă hơmet pơ ‘lơ̆ng tơhlăk tơhlĭn, pơm ‘lơ̆ng hơ iă tơdrong jang, iung jang kơtang jang ‘lơ̆ng, vei lăng tơdrong đei iŏk yoa sa hơpăh trŏ lăp kơ kon pơlei păng pơtrŭt kơtang atŏk tơ iung mŭk drăm-tơpôl, vei lăng sơđơ̆ng teh đak, sơđơ̆ng tơring ... Kơdră chĕp pơgơ̆r Kuô̆k hô̆i athei, tơplih kơsô̆ kăl jing hơyak pran kơtang lơ̆m hơnih jang tang măt kon pơlei păng Dăr lăng.