Iung pơma tơ̆ jơ bơ̆ jang, Kơdră chĕp pơgơ̆r Kuô̆k hô̆i tơbăt, ‘măng dăr lăng, lăng hơlen ‘măng mă ou vă lăng hơlen tôm tong tơdrong chĕp pơgơ̆r, pơrô̆ jang đơ̆ng Khul kơdră chĕp pơgơ̆r Đảng rim hơnih bơ̆ jang Đảng Trung ương lơ̆m tơlĕch jang kiơ̆ Tơdrong tơchơ̆t Hop akŏm tih ‘măng mă XIV kơ Đảng-tơdrong tơchơ̆t tôch gĭt kăl, pơchoh trong ăn atŏk tơ iung teh đak lơ̆m jăl ‘nao. Tơdrong vă dăr lăng akŏm lơ̆m tơdrong pơgơ̆r chă tơchĕng hơlen, hŏk pơhrăm, tơlĕch jang kiơ̆ păng pơrô̆ tơbăt Tơdrong tơchơ̆t; tơdrong tơ iung pơjing, tơlĕch jang kiơ̆ tơdrong iung jang lơ̆m jang kiơ̆ tơdrong Tơchơ̆t; adoi pơm hơdăh dôm tơdrong iŏk đei jơnei, adoi nhen dôm tơdrong tim mă ‘lơ̆ng, tơnap tap, tơhlăk tơhlĭn lơ̆m jơ ‘năr jang kiơ̆. ‘Ngoăih kơ ‘noh, khul bơ̆ jang jei dăr lăng, lăng hơlen bơ̆ jang chĕp pơgơ̆r, pơrô̆ iung jang kiơ̆ Nơ̆r athei jang kiơ̆ 46 kơ Hơnih tơm Chinh trĭ găh chĕp pơgơ̆r ‘măng pôk rơih kơdră tang măt Kuô̆k hô̆i jăl XVI păng pôk rơih kơdră tang măt Jơnŭm vei lăng kon pơlei rim kâp jăl jang 2026–2031.