VOV4.Bahnar - Kơsơ̆ năr 28/9, Kơdră chĕp pơgơ̆r Kuô̆k hô̆i sơng pơma dơnŭh hăm Đại tướng Singsuk Singpai, Kơ iĕng Kơdră chĕp pơgơ̆r Thượng viện Thái Lan pơm tơm Khŭl bơ̆ jang tŏk bŏk năm tơmang, bơ̆ jang vă hơlen băt vao bơ̆ jang tang găn sa pơgơ̆m pơjĭp tơ̆ Việt Nam.

Kơdră chĕp pơgơ̆r Kuô̆k hô̆i sơng pơma dơnŭh hăm Kơ iĕng Kơdră chĕp pơgơ̆r Thượng viện Thái Lan

Pơma dơnŭh găh bơ̆ jang tang găn sa pơgơ̆m pơjĭp, Kơdră chĕp pơgơ̆r Kuô̆k hô̆i Vương Đình Huệ pơma hơdăh, ‘nau jing tơdrong kăl hlŏh kơ Đảng, Tĕh đak Việt Nam. Kơdră chĕp pơgơ̆r Kuô̆k hô̆i akhan, Kuô̆k hô̆i Việt Nam hlôi tơgop tĭh tên lơ̆m bơ̆ jang tang găn sa pơgơ̆m pơjĭp, adoi pơma dơnŭh, ‘nau jing tơdrong jang mă Kuô̆k hô̆i ƀar tĕh đak gơ̆h jang hơdoi lơ̆m khei năr kơnh. Ƀok Singsuk Singpai ‘mĕh vă, tơgoăt tơgoăl ƀar tĕh đak păng kon pơlei ƀar tĕh đak roi năr roi atŏk tơ iung kơ jăp; ƀar khŭl nghĭ si ƀar tĕh đak hơnơ̆ng atŏk kơtang năm ngôi dĭh băl, tơƀơ̆p dĭh băl, pơma dơnŭh dĭh băl dôm tơdrong bơ̆ jang.

VOV/Amazưt tơblơ̆ nơ̆r