Kơdră chĕp pơgơ̆r Kuô̆k hô̆i Vương Đình Huệ akhan, ‘măng tơƀơ̆p vă pơma dơnuh găh dôm tơdrong kơ Tơring kăl, mơ̆ng nơ̆r pơma apĭnh đơ̆ng păh Tơring kăl păng rim bơngai lơ̆m khŭl vă đơ̆ng nŏh tơlĕch trong jang tơgoăt dĭh băl jang hơdoi mŭk drăm, hơvơn lơ hlŏh dơ̆ng hơnĭh mơdro sa vang tơmơ̆t jên jang lơ̆m rim tơdrong mă ƀar păh đei.

Grŭp jang atŏk tơ iung tơring kăl Clark đei groi tĕh să hlŏh 32.000 ha hăm đei rim tơdrong jang ‘nŏh: Kmăi kmŏk pơre nơ̆r, kmăi kmŏk hơgei, gre păr, logistics păng tơmang pơ hiơ̆. Trŭh dang ei Grŭp jang atŏk tơ iung tơring kăl Klark hlôi hơvơn đei 1100 hơnĭh tơmơ̆t jên jang, tơmơ̆t jang ăn 127.000 ‘nu bơngai păng jang sa tĕch mơdro tơ̆ tĕh đak đe iŏk đei 3 ti 900 trĭu dolar. Tơdrong jang au jei hlôi pơtôch ‘lơ̆ng liĕm ‘măng năm tơmang Philippines đơ̆ng Kơdră chĕp pơgơ̆r Kuô̆k hô̆i Vương Đình Huệ păng Khŭl Kơdră kơpal tang măt Kuô̆k hô̆i tĕh đak bơ̆n.