Iung pơma pơtôch jơ bơ̆ jang, Kơdră chĕp pơgơ̆r Kuô̆k hô̆i Trần Thanh Mẫn tơbăt, Hải Phòng đei lơ tơdrong rơvơn, Trung ương hlôi tơlĕch ăn lơ trong jang, trong bơ̆ jang kăl vă pơjing hơyak ăn atŏk tơ iung kơ pơlei tơm jăl truh ou kơnh. Hôn bơnê kơtang dôm tơdrong mă Hải Phòng iŏk đei lơ̆m jang kiơ̆ Tơdrong tơchơ̆t 35, mă kăl ‘noh tơmơ̆t dơ̆ng trong pơkăp jang đơ̆ng kon jên jang teh đak, pơjao hơdăh vei lăng pơprŏ jang iŏk đei jơnei lơ ăn kang ƀô̆, Kơdră chĕp pơgơ̆r Kuô̆k hô̆i tơbăt, tơdrong mă ou tơƀôh hơdăh ăn rim tơdrong tơchơ̆t, trong bơ̆ jang hlôi đei lơ̆m Tơdrong tơchơ̆t kơsô̆ 35 vă hơmet ming, tơmơ̆t dơ̆ng nhen ‘meh vă atŏk kơtang hloh dơ̆ng kăl iung jang kơtang dôm tơdrong kăl hloh vă kĕ atŏk tơ iung.