Ƀok Vương Hải Bằng, Kơdră jang lơ̆m Khul kơdră chĕp pơgơ̆r Đảng dêh char Thiểm Tây, Bí thư Đảng pơlei tơm Diên An sơkơ̆t hơdăh, ‘măng năm tơmang đơ̆ng Kơdră chĕp pơgơ̆r Kuô̆k hô̆i jĭ jơ rơvơn gĭt kăl hloh vă pơtrŭt kơtang hloh dơ̆ng tơƀơ̆p dih băl ƀar păh rim tơring kơ Việt Nam hăm pơlei tơm Diên An. Hôn bơnê kơtang dôm tơdrong jơnei atŏk tơ iung kơ pơlei tơm Diên An adoi nhen dôm tơdrong hơdrin đơ̆ng pơlei tơm lơ̆m tơdrong vei lăng năng tông rim “hơnih gĭt kăl”, Kơdră chĕp pơgơ̆r Kuô̆k hô̆i Trần Thanh Mẫn hmach thơ thou ăn pơlei tơm Diên An hơnơ̆ng atŏk tơ iung păng athei Diên An atŭm hăm rim tơring Việt Nam atŏk kơtang tơgoăt dih băl, pơtrŭt kơtang hloh dơ̆ng ăn kon pơlei tơƀơ̆p dih băl; atŏk kơtang jang hơdoi tơmang pơhiơ̆, mă kăl tơmang pơhiơ̆ “hơnih gĭt kăl” druh kiơ̆ đêl rim bơngai jang kĕch mạng sơ̆ ki kơ teh đak; jang hơdoi vei răk păng atŏk tơ iung rim hơnih gru gra gĭt kăl dăr sơnăm, oei sa joh ayŏ, pơtrŭt kơtang kon pơlei tơƀơ̆p dih băl.