‘Măng hop akŏm mă 2, Kuô̆k hô̆i jăl 16 gô pơgơ̆r lơ̆m vă jê̆ 30 năr. Iung pơma pơgơ̆r blŭng a hop akŏm, Kơdră chĕp pơgơ̆r Kuô̆k hô̆i Trần Thanh Mẫn tơbăt, tơ̆ hop akŏm ou gô hop akŏm pơtôch ‘Măng hop akom mă Blŭng păng ăn tơgop nơ̆r blŭng a găh tơdrong hơmet ăn ‘Măng hop akŏm mă Ƀar kơ Kuô̆k hô̆i jăl XVI. Kơdră chĕp pơgơ̆r Kuô̆k hô̆i athei kăl hơlen mă tơpăt lơ̆m dôm tơdrong jang keh đang, jang tim mă keh đang, sơkơ̆t hơdăh dôm tơdrong kăl vă hơmet hloi đơ̆ng ‘Măng hop akŏm mă Ƀar, ưh kơ lê̆ đei dơ̆ng tơdrong pơtruh hô sơ hiơ hiơ̆ nhen lơ̆m ‘măng hop akom mă Blŭng ou ki. Kơdră chĕp pơgơ̆r Kuô̆k hô̆i athei rim hơnih hơnih jang pơtruh ăn, hơnih jang chĕp pơgơ̆r pơm tơlĕch jang mă tơnăp hơlen mă hơdăh hơnăp jang; Khul kơdră chĕp pơgơ̆r Jơnŭm vei lăng hơdrĕch hơdrung, rim Hơnih bơ̆ jang, Hơnih jang ăn Kuô̆k hô̆i iung jang hơdoi, pơrô̆ pơrôp, dăr lăng kơjăp dôm tơdrong jang, tơtom tơroi tơbăt ăn Hơnih bơ̆ jang Kuô̆k hô̆i.