Kơdră chĕp pơ̆r Kuô̆k hô̆i Trần Thanh Mẫn sơkơ̆t hơdăh, Việt Nam ling lang hôn bơnê, pơjing rơvơn ăn rim bơngai tơmơ̆t jên jang teh đak đe tơ̆ Việt Nam lơ̆m ou đei Aeon Mall; tơgŭm djru trong jang mơdro sa kơ công ty Aeon Mall tơ̆ Việt Nam; adoi tơbăt đei lơ dêh char, pơlei tơm anai kơ Việt Nam, lơ̆m ou đei dêh char Bắc Ninh jei drơ̆ng nơ̆r iung jang hơdoi hăm Aeon Mall vă pơih Hơnih tơm mdro sa Aeon Mall. Ƀok Keiji tơbăt, Aeon Mall pơih hơnih tơm mơdro sa blŭng a lơ̆m sơnăm 2014 tơ̆ pơlei tơm Hồ Chí Minh, khei 9 sơnăm ou ki hlôi et hơtŏk Hơnih tơm mơdro sa Aeon Mall tơ̆ Huế ji hơnih mơdro sa tih hloh tơring Tŏk bŏk. Jơ ‘năr ou Aeon Mall kĭ pơkăp jang hơdoi hăm pơlei tơm Cần Thơ, ‘meh vă hơnơ̆ng đei pơjing rơvơn vă pơih să jang hơdoi tơmơ̆t jên jang tơ̆ rim dêh char, pơlei tơm anai kơ Việt Nam.