Kơdră chĕp pơgơ̆r Kuô̆k hôi Trần Thanh Mẫn chơt hơ iă tơƀơ̆p dơ̆ng Kơdră chĕp pơgơ̆r Hạ viện Uzbekistan Nuriddin Ismoilov tơ̆ Hà Nội; tơbăt, oei vei kơ jăp tơdrong hơ iă găh ‘măng năm tơmang Uzbekistan păng vang năm Hop akŏm Jơnŭm chĕp pơgơ̆r ‘măng mă 150 Jơnŭm atŭm Nghĭ viện apŭng plĕnh teh (IPU-50) lơm khei 4 ou ki, mă kăl ‘măng pơma đam ‘lơ̆ng hơ iă, jơnei hăm Kơdră chĕp pơgơ̆r.

Kơdră chĕp pơgơ̆r Kuô̆k hô̆i hôn bơnê tơdrong ƀok Nuriddin Ismoilov chĕp kơ̆l khul kơdră tang măt Hạ viện Uzbekistan vang năm Pơm lêh kĭ tơchơ̆t Tơdrong pơkăp Liên Hợp Quốc găh tang găn pơm yoch mạng pơgơ̆r tơ̆ Việt Nam, tơƀôh hơdăh nơ̆r pơkăp kơtang đơ̆mg Uzbekistan atŭm hăm tơpôl apŭng plĕnh teh iung tơjră hăm dôm tơdrong yoch hle păng hli hlơt hloh ou.