Iung pơma tơ̆ Pơm lêh pơgơ̆r blŭng a, Kơdră chĕp pơgơ̆r IPU Tulia Ackson pơma tơbăt jơhngơ̆m đon tôch tơtăm găh tơdrong ưh kơ ‘mêm kơ eng dih băl roi năr roi kơtang, adoi nhen tơƀôh hơdăh găh sar bar tơplih tŏ ‘mi kial păng dôm tơdrong đei ƀơm truh đunh đai hăm tơdrong hơrih sa kơ kon bơngai. Yă sơkơ̆t hơdăh hơnăp jang tơm kơ nghĭ viê̆n lơ̆m tơ iung pơjing drơ̆ng mĭnh nơr, chông ba trong jang păng pơjing rim trong jang lơ̆m plei teh, adoi krao hơvơn rim nghĭ viê̆n kăl sơkơ̆t hơdăh pêng trong jang kăl ‘noh: pơtrŭt kơtang jơ̆p jang, vei kơjăp pơma dơnuh păng iung jang dôm trong jang kăl ăn đunh đai tai sơnăm kơ yuơ jơhnơr đơ̆ng rŏng, đơ̆ng noh hơmet pơ ‘lơ̆ng chủ nghĩa lơ pang hăm Liên hợp quốc jĭ hơnih jang tơm. Jơnŭm chĕp pơgơ̆r IPU-152 gô pơgơ̆r hop akom đơ̆ng năr 15-19/4. Kiơ̆ pơgơ̆r, Kơdră chĕp pơgơ̆r Kuô̆k hô̆i Trần Thanh Mẫn gô đei nơ̆r iung pơma gĭt kăl lơ̆m ‘măng pơma dơnuh dih băl.