‘Nau ‘Măng hop akŏm mă blŭng kơ AIPA đei pơgơ̆r kiơ̆ trong kơtă đơ̆ng rŏng hlŏh 2 sơnăm jĭ hơbŭh Covid-19 pơrăm.

Hop akŏm Khŭl kơdră AIPA - 43 akŏm pơma dơnŭh rim tơdrong găh: Rơngei hiôk hian, sơđơ̆ng, trong jang lơpang păng hơnăp jang pơm tơm kơ ASEAN; Atŏk kơtang tơbôl nghị viện găh sơđơ̆ng trong đak, pơtrŭt sơđơ̆ng tơring tơ̆ Đông Nam Á; Atŏk kơtang jang hơdoi nghĭ viên kơ yuơ atŏk tơ iung muk drăm jơ̆p jang păng kơ jăp ‘moi kiơ̆ trong tơlĕch jang rim trong jang cham char, tơpôl păng vei lăng; Atŏk kơtang kĕ iung jang ăn rim hơnĭh mơdro sa iĕ ioch, iĕ păng păh ai lơ̆m jang kiơ̆ kih thuơ̆t kơsô̆ păng pơtrŭt kơtang tơmang pơ hiơ̆, hơmet pơ ‘lơ̆ng mŭk drăm; Atŏk kơtang iung jang kiơ̆ kih thuơ̆t sô̆ vă vei lăng tơpôl tôm tong; Atŏk kơtang vei lăng jơhngơ̆m pran jăng grăng akau tơpôl vă xek tơlang kĕ dôm tơdrong long lơ̆m ASEAN; Hơtŏ hơnơ̆ng drŏ nglo drŏ kăn păng pơjao tơdrong gơ̆h jang ăn drŏ kăn kơ yuơ tơdrong hơmet pơ ‘lơ̆ng kơ jăp, tôm tong păng kơ dĭh iung jang đơ̆ng rŏng jĭ Covid-19; Atŏk loi dơ̆ng hơnăp jang kơ đe drŏ kăn lơ̆m atŏk pran tơdrong bơ̆ jang găh drŏ kăn, rơngei hiôk hian păng sơđơ̆ng; Atŏk tơdrong vang jang kiơ̆ đơ̆ng hơdrŭh tơdăm kơ yuơ mĭnh tơpôl ASEAN pơdrŏng hơnŭk hơnoa păng atŏk tơ iung kơ jăp.