Kơdră chĕp pơgơ̆r Kuô̆k hô̆i Vương Đình Huệ vang năm pơm lêh. Tơbăt jơhngơ̆m đon chơt hơ iă mư̆h ƀôh kơmăt jơ ‘năr Cham să Rơngei hiôk hian đei tơplih jing hơnăn Cham să Hồ Chí Minh, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh, Cuba hưch hanh hơmanh bơnê đe Kơdră chĕp pơgơ̆r teh đak Fidel Castro. Việt Nam hưch hanh hơmanh bơnê đei Kơdră chĕp pơgơ̆r Teh đak Hồ Chí Minh; cham să Hồ Chí Minh jing mĭnh lơ̆m rim hơnih gĭt kăl hloh hăm chăl sơnăm, hăm tơdrong oei sa atŭm hăm dôm hơnih ming man gĭt kăl, mŭk drăm joh ayŏ anai kơ hơnih tơm La Habana pơjing đei mĭnh hơnih ‘lơ̆ng rŏ hơbŏ nhen, nhen lĕ pơkao chôh rang blang ‘lơ̆ng pơm hơ iă chă hơvơn đei lơ tơmoi truh năm kơ Hơnih tơm La Habana gơ̆h hơgei, oei sa ‘lơ̆ng, sơng hơvơn tơmoi phăl hơlăng, năng ‘lơ̆ng kơmăt. Kơdră chĕp pơgơ̆r Kuô̆k hô̆i ‘mĕh vă khul kơcdră chĕp pơgơ̆r păng kon pơlei kuân Plaza, hơnih tơm La Habana hơnơ̆ng vei răk, vei lăng năng tông vă Cham să Hồ Chí Minh ling lang jing mĭnh hơnih tơbăt ăn tơdrong gei kơ jăp iăp kơtang lăng ba hơ iă lơ̆m jơhngơ̆m đon rim răih kon pơlei Cuba păng Việt Nam.