Vang năm pơm lêh kĭ pơkăp đei Bí thư Đảng khul Kuô̆k hô̆i, Kơdră chĕp pơgơ̆r Kuô̆k hô̆i Vương Đình Huệ; Kơcdră jang lơ̆m Dơnŏ anĭh tơm Chĭnh trĭ, Bí thư Trung ương Đảng, Kơdră chĕp pơgơ̆r Ban Nội chính Trung ương Phan Đình Trạc.

Iung pơma tơ̆ jơ pơm lêh kĭ pơkăp, Kơdră chĕp pơgơ̆r Kuôk hô̆i Vương Đình Huệ akhan, lơ̆m khei năr au ki, bơ̆ jang hơdoi ƀar păh Đảng khul Kuô̆k hô̆i hăm Ban Nội chính Trung ương ling lang đei lăng ba kơ jăp, hơmet pơ ‘lơ̆ng, atŏk kơtang, tơgop gĭt kăl lơm bơ̆ jang pơchoh trong kơ ƀar hơnĭh bơ̆ jang tơgŭm ăn Khŭl kơdră chĕp pơgơ̆r Trung ương mă hơnơ̆ng ‘nŏh Dơnŏ anĭh tơm Chinh trĭ, Ban Bí thư, Dơno anih chep pơgở Trung ương găh tang găn sa pơgơ̆m pơjĭp, Dơnŏ anĭh chĕp pơgơ̆r hơmet pơ ‘lơ̆ng tư phap Trung ương găh dôm tơdrong bơ̆ jang, tang găn sa pơgơ̆m pơjĭp păng hơmet pơ ‘lơ̆ng tư phap. Dôm tơdrong iŏk đei jơnei lơ̆m bơ̆ jang iung tơjră phă pơrăm sa pơgơ̆m pơjĭp, pơm glăi au to, hơtŏk bơ̆ jang păng hơmet pơ ‘lơ̆ng tư phap đei jơhngơ̆m tơgop gĭt kăl hlŏh kơ ƀar hơnĭh jang au.