VOV4.Bahnar - Pơgê năr 6/9, tơ̆ dêh char Ninh Bình hlôi pơgơ̆r Pơm lêh tơbăt 50 sơnăm Tơdrong tơchơ̆t găh Vei lăng mŭk drăm jŏh ayŏ păng cham char apŭng plĕnh tĕh hăm hơnăn: “50 sơnăm kơnh: Mŭk drăm apŭng plĕnh tĕh-Tơdrong ‘lơ̆ng ăn hơdrin, tơdrong ‘lơ̆ng păng tơplĭh tơchăr hơgei”.

Kơdră chĕp pơgơ̆r Kuô̆k hô̆i Vương Đình Huệ atŭm hăm Kơdră Đảng, tĕh đak, Khŭl jang UNESCO  vang năm Pơm lêh tơbăt

Kơdră chĕp pơgơ̆r Kuô̆k hô̆i Vương Đình Huệ atŭm hăm Kơdră Đảng, tĕh đak, Kuô̆k hô̆i vang năm Pơm lêh tơbăt. Hăm tơdrong jŏh ayŏ lơ, ‘lơ̆ng hơ iă, Việt Nam hlôi rơ̆ih iŏk, pơm hla bơar 8 tơdrong jŏh ayŏ kăl hlŏh păng đei UNESCO chĭh tơmơ̆t lơ̆m Hla bơar Mŭk drăm gĭt kăl apŭng plĕnh tĕh; atŭm hăm ‘nŏh, jô̆ đơ̆ng mă vang jang lơ̆m Tơdrong tơchơ̆t 1972 trŭh dang ei, Việt Nam hlôi 5 ‘măng iŏk jang lơ̆m Khŭl chĕp pơgơ̆r UNESCO. Pơm lêh tơbăt 50 sơnăm Tơdrong tơchơ̆t Vei lăng mŭk drăm jŏh ayo păng cham char apŭng plĕnh tĕh đei pơgơ̆r tơ̆ Ninh Bình lơ̆m khei ‘năr UNESCO pơtrŭt rim tĕh đak lơ̆m khŭl pơgơ̆r tơbăt 50 sơnăm Tơdrong tơchơ̆t, lăng trŭh Pơm lêh tơbăt lơ̆m plei tĕh tơ̆ Florence, Italia ƀơ̆t khei 11/2022. Tơdrong mă au gô pơ̆ih trong ăn rim tơdrong pơgơ̆r apŭng plĕnh tĕh tơbăt Tơchơ̆t 1972, adoi nhen tơbăt hơdăh 35 sơnăm Tơchơ̆t đei jang kiơ̆ tơ̆ Việt Nam.

Tơblơ̆ nơ̆r: Amazưt