VOV4.Bahnar - Pơgê năr 2/10, Kơdră chĕp pơgơ̆r Kuô̆k hô̆i Vương Đình Huệ hăm Khŭl bơ̆ jang kơ Trung ương hlôi năm dăr lăng, lăng hơlen jang kiơ̆ Tơdrong tơchơ̆t kơ Kuô̆k hô̆i hăm tơdrong vă jang ming man trong gre rĕnh Bến Lức - Long Thành păng cham gre păr Long Thành.

Kơdră chĕp pơgơ̆r Kuô̆k hô̆i Vương Đình Huệ pôk tơmam drăm ăn rim ŭnh hnam năm oei tơ̆ hơnĭh hle

Kơdră chĕp pơgơ̆r Kuô̆k hô̆i akhan, Cham gre păr Apŭng plĕnh tĕh Long Thành đei lăng jing mĭnh tơdrong vă jang gĭt kăl hlŏh kơ tĕh đak, tơdra hơdrol pơm keh đang păng tơmơ̆t jang lơ̆m sơnăm 2025, đei hơmŏ gô jing mĭnh lơ̆m dôm hơnĭh tơm chơ pơdŭ trong gre păr gơ̆h hơgei hlŏh tơ̆ tơring Đông Nam Á. Vă jang keh đang ƀlep khei ‘năr pơkă, Kơdră chĕp pơgơ̆r Kuô̆k hô̆i Vương Đình Huệ athei dêh char Đồng Nai akŏm jang kơtang, xek tơlang keh đang iŏk tơvĭh tĕh, pơjao ăn tơngla tơmơ̆t jên jang, ƀơk ăn hla bơar pơm tơngla tĕh; hơnơ̆ng lăng ba kơ jăp tơmơ̆t jên jang pơm keh đang tơgŭm ăn kon pơlei, lăng ba kơ jăp pơtho tơdrong jang vă kon pơlei đei rơvơn tơchă tơdrong jang, kon pơlei erĭh sa sơđơ̆ng hlŏh kơ tơring oei so.

VOV/Amazưt tơblơ̆ nơ̆r