VOV4.Bahnar - Tơ̆ pơm lêh chơt hơ iă iŏk đei jơnei Khŭl drŏ kăn đă ƀŏng lŏng rĕh đak Việt Nam pơgơ̆r pơgê năr 11/2, Kơdră chĕp pơgơ̆r Kuô̆k hô̆i Vương Đình Huệ hlôi pơtrŭh pôk ăn tơmam drăm Têt ăn bơngai pơtho chĕp pơgơ̆r khŭl đă ƀŏng lŏng Mai Đức Chung păng hmach chơt hơ iă tơdrong iŏk đei jơnei Khŭl drŏ kăn đă ƀŏng lŏng tĕh đak Việt Nam. Dôm năr au ki, rim kơdră chĕp pơgơ̆r tơm dơnơm kơ Đảng, Tĕh đak, Kuô̆k hô̆i hlôi lăng ba kơ jăp, chơt hơ iă tơ̆ hơnăp tơdrong iŏk đei jơnei gĭt kăl kơ Khŭl drŏ kăn đă ƀŏng lŏng tĕh đak Việt Nam. Hăm tơdrong hơdrin đĭ jơhngơ̆m đon, Bơngai chĕp pơgơ̆r pơtho đă ƀŏng lŏng Mai Đức Chung atŭm hăm rim hŏk tro hlôi yak hlŏh tôch kơ lơ tơdrong tơnap tap vă ‘măng mă blŭng lơ̆m chăl sơnăm iok đei vang tơgop mŭh măt tơ̆ ‘Măng pơlong khŭl drŏ kăn đă ƀŏng lŏng apŭng plĕnh tĕh 2023. Tơdrong jơnei kơ Khŭl drŏ nglo năr 1 Têt păng kiơ̆ đơ̆ng rŏng ‘nŏh tơdrong iŏk đei jơnei kơ Khŭl drŏ kăn đă ƀŏng lŏng tơ̆ ‘Măng pơlong pơtôch Asian Cup drŏ kăn 2022 hlôi ranh kơtang jơhngơ̆m pran hơdrin ‘lơ̆ng hơ iă trŭh dôm bơngai hưch hanh hôn bơnê tơdrong đă ƀŏng lŏng Việt Nam.

Tơblơ̆ nơ̆r: Amazưt