VOV4.Bahnar - Kơsơ̆ năr 7/02, Kơdră chĕp pơgơ̆r Kuô̆k hô̆i Vương Đình Huệ năm tơmang bơ̆ jang hăm Tổng cục II, Dơnŏ anĭh tơm Ƀô̆ đô̆i vei lăng sơlam Tĕh đak.

Vă Tổng cục hơnơ̆ng jang jơnei tơdrong jang sơnăm 2022 păng dôm sơnăm đơ̆ng rŏng, Kơdră chĕp pơgơ̆r Kuô̆k hô̆i Vương Đình Huệ athei, pơđĭ Tổng cục tơlĕch jang kơtang, tơtom, jơnei Tơdrong Tơchơ̆t, Nơ̆r athei jang kiơ̆, mă kăl ‘nŏh Tơdrong Tơchơ̆t kơsô̆ 48 kơ Dơnŏ anĭh tơm Chĭnh trĭ păng Tơdrong Tơchơ̆t kơsô̆ 160 đơ̆ng Khul kơdră chĕp pơgơ̆r Quân ủy Trung ương “Găh chĕp pơgơ̆r bơ̆ jang Tơdrong jang Hrĕp vei lăng tĕh đak ƀlep hăm tơlĕch ăn, tơdrong jang lơ̆m chăl hle”, hơdrin iung jang kơtang, keh kong bơ̆ jang chĭnh trĭ, sơđơ̆ng iok đei jơnei sơnăm 2022 kơtang hlŏh hăm sơnăm 2021. Tổng cục II kăl hơnơ̆ng pơjing Hơnĭh jang Hrĕp vei lăng tĕh đak ‘nŏh jing khŭl gĭt kăl hlŏh, mĭnh nơ̆r ƀơ̆r đon hăm Đảng, hăm Tĕh đak păng Kon pơlei; kơ jăp ‘lơ̆ng găh chĭnh trĭ, jơhngơ̆m đon, bơ̆ jang kơ jăp, jơnei, iung jang kơtang păng keh kong tơdrong jang mă Đảng, Tĕh đak, Ƀô̆ đô̆i, Kon pơlei pơjao ăn.

Tơblơ̆ nơ̆r: Amazưt