‘Nau ‘măng năm tơmang Philippines mă blŭng đơ̆ng Kơdră tơm dơnơm kơ Việt Nam lơ̆m sơnăm 2022 păng Kơdră chĕp pơgơ̆r Kuô̆k hô̆i Việt Nam đơ̆ng rŏng 16 sơnăm, adoi jing mĭnh lơ̆m ‘măng năm tơmang mă blŭng kơ bơngai chĕp kơ̆l Kuô̆k hô̆i tĕh đak đe năm tơ̆ Philippines, lăp đơ̆ng rŏng Philippines pơgơ̆r keh đang ‘măng pôk rơ̆ih (5/2022) păng đei Khŭl kơdră chĕp pơgơ̆r Hạ viện păng Thượng viện ‘nao (7/2022).

Kiơ̆ ‘măng năm tơmang, atŭm hăm pơtrŭt kơtang jang hơdoi ƀar păh Hơnĭh bơ̆ jang pơjing khôi luơ̆t ƀar tĕh đak, Kơdră chĕp pơgơ̆r Kuô̆k hô̆i Vương Đình Huệ hăm Khŭl kơdră kơpal Philippines gô pơma dơnŭh rim trong jang atŏk kơtang jang hơdoi ƀar păh lơ̆m lơ tơdrong, pơm atŏk kơtang tơgoăt tơgoăl Jang hơdoi gĭt kăl Việt Nam-Philippines pơma atŭm hăm tơgoăt tơgoăl ƀar păh Kơdră kơpal ƀar tĕh đak pơma hơdrô̆.