VOV4.Bahnar - ‘Năr brei (15/5), Kơ dră Kuôk hô̆i Vương Đình Huệ păng khŭl tang măt gĭt kăl kơ Kuôk hô̆i teh đak bơ̆n hlôi truh tơ̆ cham gre păr Wattay (Vặt Tày), anih tơm Viên Chăn, teh đak Cộng hòa dân chủ nhân dân Lào pơ tơm ‘măng năm tơ mang tơ pă tơ̆ Lào. ‘Măng năm tơ mangtơ pă đơ̆ng kơ dră Kuôk hô̆i Vương Đình Huệ đei dôm teh đak buăl Lào lăng jĭ 1 lơ̆m dôm tơ drong jang gĭt kăl hloh lơ̆m sơ năm Tơ goăt tơ goăl jang tơ bôl Việt Nam – Lào, Lào – Việt Nam 2022; tŭn pran tơ drong pơ vei jang hơ dai hăm Việt Nam vă tơ gop pơm jơ nei Trong tơ lĕch jang hơ tŏk tơ iung mŭk drăm - tơ pôl 5 sơ năm ‘măng mă IX đơ̆ng Lào; hơ tŏk loi dơ̆ng jang hơ dai, tơ gŭm băl lơ̆m tơ drong jang tơ jră hăm jĭ hơ buh păng tơ iung ming, hơ tŏk tơ iung mŭk drăm - tơ pôl đơ̆ng rŏng jĭ hơ buh; chă hơ len lăng tơ drong hlôh vao bơ̆ jang đơ̆ng Kuôk hô̆i Việt Nam.

Lăp đơ̆ng rŏng kơ truh tơ̆ Lào, Kơ dră Kuôk hô̆i Vương Đình Huệ gô vang pơm lêh tơ lĕch jang tơ drong jang pơm Cham ngôi pơ hiơ̆ tơ bôl Lào - Việt Nam; tơ ƀơ̆p tơ pôl jang mơ dro sa Việt Nam tơ mơ̆t jên jang tơ̆ Lào; tơ mang tơ̆ Anih jang tang măt păng tơ ƀơ̆p tơ pôl bơ ngai Việt Nam tơ̆ Lào.

Thuem: Tơ blơ̆